Iqlim o'zgarishining keskin oqibatlarini boshdan kechirmaydigan biron bir mamlakat yo'q. Is gazlari 1990 yilga nisbatan 50 foizdan ortiqroq ajratilmoqda. Global isish bizning iqlim tizimimizda uzoq muddatli o'zgarishlarga, pirovardida esa jiddiy oqibatlarga olib keladi.

Iqlim bilan bog'liq ofatlardan o'rtacha yillik iqtisodiy yo'qotish yuzlab milliard dollarni tashkil etadi. Bu hali inson omili bilan bo’g’liq geofizik ofatlarning 1998 yildan 2017 yilgacha bo'lgan davrda 1,3 million odamning hayotiga zomin bo'lgani va 4,4 milliard odam jarohatlanganini aytmagan holda shunchalik darajani aks ettiradi.

Zaif hududlarni qo‘llab-quvvatlash nafaqat 13-maqsadga, balki boshqa BRMlarga ham bevosita hissa qo‘shadi. Bu harakatlar, shuningdek, tabiiy ofatlar xavfini kamaytirish, tabiiy resurslarni barqaror boshqarish va inson xavfsizligini milliy rivojlanish strategiyalariga integratsiya qilish harakatlari bilan birga olib borilishi kerak. Kuchli siyosiy iroda, investitsiyalarni ko'paytirish va mavjud texnologiyalardan foydalanish bilan hali ham global o'rtacha haroratning sanoat davrigacha bo'lgan ko’rsatkichlaridan ikki daraja Selsiygacha ko'tarilishigacha cheklash mumkin. Bu esa shoshilinch va birgalikda harakatlarni talab qiladi.

Samarqand iqtisodiyot va servis instituti iqlim o’zgarishi va global isish jarayonini oldini olish va uning salbiy oqibatlarini kamaytirishga qaratilgan sa’y-harakatlarni amalga oshirib bormoqda. Uglerod dioksidining atrof-muhitga chiqarilishini kamaytirishga qaratilgan siyosat doirasida institutda ichki yonuv dvigatelida harakatlanadigan avtomobillardan foydalanishni qisqartirishga oid chora-tadbirlar amalga oshirilmoqda:

-          Elektromobillarni zaryadlash uskunasi o’rnatilgan;

-          Elektr samokatlardan foydalanish uchun imkoniyatlar mavjud;

-          Velosipedlar uchun turargoh tashkil etilgan;

-          Yoritish, suv isitish tizimlari quyosh energiyasidan quvvatlanadigan uskunalar asosida ishlaydi. Isitish tizimi yuqori tejamkorlikka ega bo’lgan kondensatsion qozonlar bilan jihozlangan.

Amalga oshirilgan ishlar natijasida uglerod dioksidi emissiyasi yildan-yilga kamayib bormoqda. 2019 yilda umumiy uglerod dioksidi emissiyasi 680 tonnani tashkil etgan bo’lsa, 2023 yilga kelib bu ko’rsatkich 446 tonnagacha qisqardi.